ତରଭୁଜ କିଡନୀ ସ୍ୱାସ୍ଥ୍ୟ ପାଇଁ ଅତ୍ୟନ୍ତ ଲାଭକାରୀ। ଏହା ଶରୀରରୁ ବିଷାକ୍ତ ପଦାର୍ଥ ବାହାର କରିବାରେ ଉପକାର କରେ ଓ କିଡନୀ ଷ୍ଟୋନ୍ ଭଳି ସମସ୍ୟା ରୁ ମୁକ୍ତି ପାଇବାରେ ସାହାଯ୍ୟ କରେ।
ତରଭୁଜରେ ଭିଟାମିନ୍ C ଓ ଆଣ୍ଟିଅକ୍ସିଡାଣ୍ଟ ଭଳି ଗୁରୁତ୍ୱପୂର୍ଣ୍ଣ ପୋଷକ ତତ୍ତ୍ୱ ଅଧିକ ପରିମାଣରେ ଥାଏ। ଏହାର ନିୟମିତ ସେବନ ତ୍ବଚାକୁ ଉଜ୍ଜ୍ୱଳ କରେ ଓ ଗ୍ରୀଷ୍ମରୁତୁରେ ମୁହଁରେ ହେଉଥିବା ବ୍ରଣ ରୋକିଥାଏ। ସେହିପରି, ତରଭୁଜ ଖାଇବା ଦ୍ୱାରା କୋଷ୍ଠକାଠିନ୍ୟ ଭଳି ଜୀର୍ଣ୍ଣ ସମସ୍ୟା ମଧ୍ୟ ଦୂର ହୁଏ।
ବିଶେଷତଃ ଗ୍ରୀଷ୍ମକାଳୀନ ଦିନରେ ତରଭୁଜ ଶରୀରକୁ ହାଇଡ୍ରେଟେଡ୍ ରଖିବାରେ ମହତ୍ତ୍ୱପୂର୍ଣ୍ଣ ଭୂମିକା ନିଭାଏ। ଏହା ଶରୀରର ପାଣି ଅଭାବକୁ ପୂରଣ କରିଥାଏ।
ଯେଉଁମାନେ ଓଜନ କମାଇବାକୁ ଚାହାଁନ୍ତି, ସେମାନେ ତରଭୁଜକୁ ନିଜ ଡାଏଟରେ ଅନ୍ତର୍ଭୁକ୍ତ କରିପାରନ୍ତି। ଏହାରେ କ୍ୟାଲୋରୀ କମ୍ ଥିବା ସହିତ, ଏହା ପେଟ ଭରିଥିବା ଅନୁଭୂତି ଦେଇଥାଏ ଓ ଭୋକ ରୋକିଥାଏ। ତଦୁପରି, ତରଭୁଜ ଦୃଷ୍ଟିଶକ୍ତି ବଢାଇବା ଏବଂ ରୋଗ ପ୍ରତିରୋଧକ ଶକ୍ତି ବୃଦ୍ଧି କରିବାରେ ସାହାଯ୍ୟ କରେ। ଏହା ମଧୁମେହ ନିୟନ୍ତ୍ରଣରେ ମଧ୍ୟ ଉପକାରୀ।